Ian Ayre-a'n Liverpool chhuahsan dawn

Liverpool chief executive Ian Ayre chuan nakkum May thlaa a contract tawp rualin Mer-seyside club a chhuahsan dawn.

Kum 52-a upa Ayre hian kum 2007 khan commercial di-rector ni turin Liverpool a zawm a, kum 2009 khan club board of directors-ah sengluh a ni.

Ayre hi kum 2011 khan mana-ging director-ah hlankai niin kum 2013 khan tuna a dinhmun chief executive din-hmun hi a chelh ṭan.

Liverpool chuan, "Ayre hi a thutlukna ngaihtuah nawn turin vawi tam kan ngen a, mahse May 2017 piah lam thlenga he club CEO ni tura kan ngenna chu a hlawhtling ta lo," tiin thuchhuah an siam.

Reds neitu Fenway Sports Group chuan, "Ayre-a kaih-hruaina hnuaiah hian nasa takin club-in hma a sawn a, sum tlakchham vanga talbuai
ṭep tawh club kha sum lama harsatna nei lo club-a min chhuah leh thei a ni," tiin Ayre-a hnathawh ropui an fak.