Fak hlawh lo val Aritz Aduriz

June, 2014-a Rickie Lambert-a'n a naupan laia amah hrualtu Liverpool a zawm khan ropui takin khel se, an striker rinrawl ber niin Premier League striker ṭha zingah a hming lamrik nise chuan British media hoin English striker chanchin hi chaw tui berah an nei ngei ang.

Chutiang chu a ni Aritz Adu­riz-a chanchin hi! Kum 35-a upa striker hi kum rei lote liam taah khan Lionel Messi, Cristiano Ronaldo leh Luis Suarez-te nen huang khatah an la awm dawn tiin sawi nise, a khelhna club Athletic Bilbao fan-te ngei pawhin an awih lo ang - mah se chutiang chu a thleng miau si.

Spanish striker hian tun season La Liga-ah Athletic Bilbao tan match 26 inlanin goal 17 a khung tawh a, inelna hrang hrangah match 43 inlanin goal 30 a khung tawh a, kum uaithla tawh lamah a parvul mek.

Hriat hlawh lo

Spain tana vawi khat inlan ve tawh striker hian kum 2000-02 khan Athletic Bilbao B team tan a khel a, kum 2002-03 chhung senior team tana khelin vawi thum chiah a inlan thei.

A club ngainatah hmun a chan tam loh avangin second tier club Burgos leh Real Valladolid lamah hun a hmang leh a, kum 2005 khan Athletic Bilbao tana khel turin a kir leh.

Season thum Bilbao tana a khelh chhungin Aduriz-a'n Fer­nando Llorente a awm avangin hmun a chang hleithei lo a, a vawi hnih nan Bilbao chhuahsanin khelmual chhunga inlan tam theih zawk beiseiin Mallorca leh Valencia a pan.

Valencia-ah pawh Spain inter­national Roberto Soldado a awm miau avangin Aduriz-a'n hmun a chang thei chuang lo a, kum 2012 khan Athletic Bilbao-ah bawk a kir.

Hliahkhuhna ata khawengah

A hmangaih hmasa Athletic Bilbao-a a vawi thum kir naah meuh chuan Aduriz-a hliahkhuh a ni reng tawh bik lo a, a kum tam tawh lamah Spanish striker a parvul.

Kum 2012-13 season-ah match 44 khelin goal 18 a khung a, kum 2013-14-ah vawi 36 inlanin goal 18 khung lehin Aduriz a hawikir tawh lo.

A season thumnaah vawi 47 inlanin goal 26 a khung a, tun season-ah match khelh tur tam tak la hmabak chungin goal 30 a khung tling ta der!

Athletic Bilbao-a a vawi thum kirnaah Aduriz-a'n season li chhungin match 170 a khel tawh a, goal 92 a khung tling tawh. Pound maktaduai 1.9-a an lei striker hi Athletic lam hian an lei tlawm zia an la hre dawn chauh niin a lang.

Spain tan Aduriz?

A club khelhna tana goal khung thei hle siin Adurirz-a'n ram tan erawh hmun a chang hleithei lo a, Spain tan vawi khat chiah a la inlan ve. A inlan awmchhun pawh hi October 2010-ah khan niin Lithuania an hmachhawn ṭumin substitute bench aṭanga luhtir a ni.

Nikum December thla khan Spain boss Vicente Del Bosque chu Aduriz chungchang hi zawh a ni a, engmah a sawi lawk theih loh thu a sawi. Tun hnaiah erawh Del Bosque hian Aduriz chu striker ṭha bik a nih thu a sawi a, kum 35-a upa striker hian Spain tana khel turin beiseina thar a nei mek.

Aduriz chuan, "A mimal ang tak leh manager a nihna ang pawha ka ngainat em em Vicente Del Bosque-a'n min hria tih ka hriat hian ka lawm em em a ni," tiin Spain tana khelh a la beisei hle.

Hetihlai hian Del Bosque chuan Euro 2016 inpuahchah nana friendly match an khelh turah a hmatawng tur player a ngaihven thu a sawi a, March 25 leh 28-ah Aduriz hian Italy leh Romania a hmachhawn a nih pawhin a mak lo ang.

Koh a phu em?

Spain tana regular taka tlar­hmaa khel tura kohte chu Valencia striker Paco Alcacer, Juventus striker Alvaro Morato leh Chelsea striker Diego Costa-te an ni a, heng striker langsar tak takte aia score rate nei ṭha zawk chu Aduriz a ni.

Kum 22-a upa Alcacer hi tun season-a a goal khung dan chawhrual hi match tina 0.38 khung ang a ni a, Morata hi 0.12 niin Costa hi 0.35 a ni thung. Spain tana koh ni ngai lo Aduriz erawh match tina goal 0.74 khung ziah ang a ni thung - goal khung tam aṭanga striker ṭha teh tur a nih chuan Spanish striker zingah Aduriz aia ṭha an awm rih lo.

Aduriz-a ropuina

Spanish striker hian goal a khung theih piahlama a ropuina chu goal ropui bik a khung tel kher ṭhin hi a ni. January 24-a Eibar lama bicycle-kick hmanga a goal khung kha striker satliah tan tih theih a ni lo. La Liga goal of the season ni tura beiseina a sang hle.

Spanish football writer lar Andy West chuan, "Aduriz-a
ṭhatna em em chu ball kanga a hlauhawm hi a ni a, an khingpui central defender-te'n ball kangah chuan dan ngaihna an hre lo
ṭhin. Ground ball-ah pawh Aduriz hi a hlauhawm tho a, hmun awl insiam a thiam bakah a player puite tana entawn tlak khawpin a thawkrim a ni," tiin Aduriz chungchang a sawi.

Andy West chuan sawi chhunzawmin, "Aduriz hi Athletic Bilbao chu a ni tawp mai. Fan-te ngainat rawn, an khingpui player-te zah em em a ni," a ti.

Season hman zawh taka Zarra Trophy (La Liga-a Spanish player goal khung hnem ber an pek ṭhin) dawngtu Aduriz hian August thla Spanish Super Cup-a Barcelona 4-0 a an sawp ṭumin hat-trick a siam a, second leg-a 1-1 a an inhnehtawk ṭumin goal khat a khung bawk.

Barca tlarhnung sawisatu Aduriz vangin kum 1984 hnua champion nomawi la chawi leh lo Athletic Bilbao-in champion nomawi an chawi a, Bilbao player ropui an sawi apiangin Telmo Zarra hming bulah Aduriz-a hming lamrik tel a ni fo tawh ang.

June, 2014-a Rickie Lambert-a'n a naupan laia amah hrualtu Liverpool a zawm khan ropui takin khel se, an striker rinrawl ber niin Premier League striker ṭha zingah a hming lamrik nise chuan British media hoin English striker chanchin hi chaw tui berah an nei ngei ang.

Chutiang chu a ni Aritz Adu­riz-a chanchin hi! Kum 35-a upa striker hi kum rei lote liam taah khan Lionel Messi, Cristiano Ronaldo leh Luis Suarez-te nen huang khatah an la awm dawn tiin sawi nise, a khelhna club Athletic Bilbao fan-te ngei pawhin an awih lo ang - mah se chutiang chu a thleng miau si.

Spanish striker hian tun season La Liga-ah Athletic Bilbao tan match 26 inlanin goal 17 a khung tawh a, inelna hrang hrangah match 43 inlanin goal 30 a khung tawh a, kum uaithla tawh lamah a parvul mek.

Hriat hlawh lo

Spain tana vawi khat inlan ve tawh striker hian kum 2000-02 khan Athletic Bilbao B team tan a khel a, kum 2002-03 chhung senior team tana khelin vawi thum chiah a inlan thei.

A club ngainatah hmun a chan tam loh avangin second tier club Burgos leh Real Valladolid lamah hun a hmang leh a, kum 2005 khan Athletic Bilbao tana khel turin a kir leh.

Season thum Bilbao tana a khelh chhungin Aduriz-a'n Fer­nando Llorente a awm avangin hmun a chang hleithei lo a, a vawi hnih nan Bilbao chhuahsanin khelmual chhunga inlan tam theih zawk beiseiin Mallorca leh Valencia a pan.

Valencia-ah pawh Spain inter­national Roberto Soldado a awm miau avangin Aduriz-a'n hmun a chang thei chuang lo a, kum 2012 khan Athletic Bilbao-ah bawk a kir.

Hliahkhuhna ata khawengah

A hmangaih hmasa Athletic Bilbao-a a vawi thum kir naah meuh chuan Aduriz-a hliahkhuh a ni reng tawh bik lo a, a kum tam tawh lamah Spanish striker a parvul.

Kum 2012-13 season-ah match 44 khelin goal 18 a khung a, kum 2013-14-ah vawi 36 inlanin goal 18 khung lehin Aduriz a hawikir tawh lo.

A season thumnaah vawi 47 inlanin goal 26 a khung a, tun season-ah match khelh tur tam tak la hmabak chungin goal 30 a khung tling ta der!

Athletic Bilbao-a a vawi thum kirnaah Aduriz-a'n season li chhungin match 170 a khel tawh a, goal 92 a khung tling tawh. Pound maktaduai 1.9-a an lei striker hi Athletic lam hian an lei tlawm zia an la hre dawn chauh niin a lang.

Spain tan Aduriz?

A club khelhna tana goal khung thei hle siin Adurirz-a'n ram tan erawh hmun a chang hleithei lo a, Spain tan vawi khat chiah a la inlan ve. A inlan awmchhun pawh hi October 2010-ah khan niin Lithuania an hmachhawn ṭumin substitute bench aṭanga luhtir a ni.

Nikum December thla khan Spain boss Vicente Del Bosque chu Aduriz chungchang hi zawh a ni a, engmah a sawi lawk theih loh thu a sawi. Tun hnaiah erawh Del Bosque hian Aduriz chu striker ṭha bik a nih thu a sawi a, kum 35-a upa striker hian Spain tana khel turin beiseina thar a nei mek.

Aduriz chuan, "A mimal ang tak leh manager a nihna ang pawha ka ngainat em em Vicente Del Bosque-a'n min hria tih ka hriat hian ka lawm em em a ni," tiin Spain tana khelh a la beisei hle.

Hetihlai hian Del Bosque chuan Euro 2016 inpuahchah nana friendly match an khelh turah a hmatawng tur player a ngaihven thu a sawi a, March 25 leh 28-ah Aduriz hian Italy leh Romania a hmachhawn a nih pawhin a mak lo ang.

Koh a phu em?

Spain tana regular taka tlar­hmaa khel tura kohte chu Valencia striker Paco Alcacer, Juventus striker Alvaro Morato leh Chelsea striker Diego Costa-te an ni a, heng striker langsar tak takte aia score rate nei ṭha zawk chu Aduriz a ni.

Kum 22-a upa Alcacer hi tun season-a a goal khung dan chawhrual hi match tina 0.38 khung ang a ni a, Morata hi 0.12 niin Costa hi 0.35 a ni thung. Spain tana koh ni ngai lo Aduriz erawh match tina goal 0.74 khung ziah ang a ni thung - goal khung tam aṭanga striker ṭha teh tur a nih chuan Spanish striker zingah Aduriz aia ṭha an awm rih lo.

Aduriz-a ropuina

Spanish striker hian goal a khung theih piahlama a ropuina chu goal ropui bik a khung tel kher ṭhin hi a ni. January 24-a Eibar lama bicycle-kick hmanga a goal khung kha striker satliah tan tih theih a ni lo. La Liga goal of the season ni tura beiseina a sang hle.

Spanish football writer lar Andy West chuan, "Aduriz-a
ṭhatna em em chu ball kanga a hlauhawm hi a ni a, an khingpui central defender-te'n ball kangah chuan dan ngaihna an hre lo
ṭhin. Ground ball-ah pawh Aduriz hi a hlauhawm tho a, hmun awl insiam a thiam bakah a player puite tana entawn tlak khawpin a thawkrim a ni," tiin Aduriz chungchang a sawi.

Andy West chuan sawi chhunzawmin, "Aduriz hi Athletic Bilbao chu a ni tawp mai. Fan-te ngainat rawn, an khingpui player-te zah em em a ni," a ti.

Season hman zawh taka Zarra Trophy (La Liga-a Spanish player goal khung hnem ber an pek ṭhin) dawngtu Aduriz hian August thla Spanish Super Cup-a Barcelona 4-0 a an sawp ṭumin hat-trick a siam a, second leg-a 1-1 a an inhnehtawk ṭumin goal khat a khung bawk.

Barca tlarhnung sawisatu Aduriz vangin kum 1984 hnua champion nomawi la chawi leh lo Athletic Bilbao-in champion nomawi an chawi a, Bilbao player ropui an sawi apiangin Telmo Zarra hming bulah Aduriz-a hming lamrik tel a ni fo tawh ang.