Serena leh Halep inhmachhawn dawn

Tukin zing dar 7:30 hian world number 1 Serena Williams leh world number 5 Simona Halep te chu BNP Paribas Open quarterfinal-ah an inhmachhawn dawn.

Nimina third round khelh-ah Williams hian Kateryna Bondarenko chu minute 50 chhung chauhin 6-2 6-2 in a hneh a, champion lai Halep pawhin Barbora Strycova chu 6-3 1-0 in a hneh. Set hnih naah Strycova hi a khel tluan thei lo a ni.

Hmeichhe single in-khel dangah Agnieszka Ra-dwanska chuan kum 2010 champion Jelena Jankovic chu 6-3, 6-3 in a hneh a, Petra Kvitova pawh-in Nicole Gibbs chu 4-6, 6-3, 6-4 in a hneh bawk.