Inter Miami-ah Matuidi a lut

Juventus midfielder Blaise Matuidi chuan Major League Soccer club Inter Miami a zawm fel ta a, Turin club nen inhriatthiam tawnnaa an inṭhen avangin man a nei lo, a contract rei zawng erawh tarlan a ni lo. 

Inter Miami neitu zingah David Beckham a tel a, tunah chuan club President a ni mek. Beckham-a'n 2013-a Paris Saint-Germain tana a khelhpui tawh Matuidi hi player langsar leh lian tham a lakluh hmasa ber a ni.

France international Matuidi chuan, "He hmunah hian nomawi tam tak kan chawi dun theih ka beisei," tiin David Beckham nen an thawkdun tur chu a phur thu a sawi a, beiseina pawh a nei sang hle.

Inter Miami hian a vawi khat nan MLS an khel, beisei angin bul an ṭan fuh lo; an league match hmasa pangaah an tlawm vek.