Neymar-a'n Olympic khelh a duh

Brazil captain Neymar chuan kumina an ramin an thlen tur Summer Olympic-ah inlan a duh thu a sawi. Coach Dunga chuan a captian hian Copa America ai chuan Olympic khel zawk se a duh thu a lo sawi tawh a, a duh dan hi a hlawhtling dawn niin a lang.

Kumin hi Copa America kum 100-na a nih a vangin June thla hian Copa America Centenario khelh tur a ni a, August thla khian Olympic chu Rio-ah neih a ni dawn bawk.

Neymar chuan, "Ka tan chuan Olympic-a Barzil aiawha khelh leh theih hi duhthusam a ni a, gold medal dawn chak vang ringawt ni loin ram aiawha inlan duhna thinlung vang zawk a ni," tiin a sawi.

Kum 2012 London Olympic-ah khan Neymar hi ram tan a lo inlan tawh a, final-ah Mexico hneh loin silver medal an dawng a ni.