Penalty pet thiam Atletico an tlang

Thawhlehni zan Champions League last 16 inkhelah Atletico Madrid leh PSV Eindhoven te hun pangngaiah goal awm loa an inhnehtawk hnuah Spanish club hian penalty shootout-ah 8-7 in hnehna an chang a, quarterfinal an inhlangkai.

March thla tir khan team pahnihte hi Nether-lands-ah goal awm loin an lo inhnehtawk tawh a, Vicente Calderon-ah pawh goal a lut lo. Extra-time khelh zawh a nih hnuah pawh goal hmuh tur a awm loh avangin penaty hmangin chak zawk zawn a ngai, Champions League khnockout stage-ah inkhelh pahnih belh-khawma goal a luh loh vawi khatna a ni nghe nghe.

PSV hian striker Jur-gen Locadia hmangin goal an khung theuh hle a, mahse Atletico keeper Jan Oblak a paltlang zo lo. Slovenian international Oblak hian a club tan tun season-a inelna hrang hrangah clean sheet vawi 25 zet a nei tawh a, Europe-a league lian zual panga zingah ani aia record nei ṭha an awm lo. Atletico tan Lucas Hernandez leh Antoine Griezmann te pawhin extra-time a an hun ṭha neih an chhawr ṭangkai thei bik lo.

Penalty shootout-ah team pahnihte an che
ṭha dun hle a, a pet hmasa 14-te chuan goal-ah an chantir vek. Mahse, PSV winger Luciano Narsingh chuan goal bar pet perin Atletico tan right-back Juanfran-a'n chakna goal a chhuih lut.

Diego Simeone-a nau-te hian penalty hmangin a zawnin quarterfinal an lut a, nikum khan Bayer Leverkusen chu penalty thoin an lo hneh tawh bawk.

Eng nge an sawi?

Atletico Madrid ma-na-ger Diego Simeone chuan assistant coach German Burgos-a'n penalty pet tur a thlan thu sawiin, "Ani hian nikuma Bayer Leverkusen laka penalty pet tur a thlanga, kuminah pawh a thlang nawn leh, fak a phu a ni. Quarterfinal kan luh avangin ka lawm a, a ṭha pariat zinga tel phak hi a hlu a ni," a ti. Argentine manager hian a hranpa a penalty pet an zir loh thu a sawi bawk.

PSV coach Phillip Cocu chuan, "Kan khel ṭha a, hun ṭha pawh kan nei ngei mai. Mahse kan chhawr ṭangkai theih loh avangin kan vanduai. Penalty vawi riat pet hnua chak lo zawka ṭan chu a na duh hle," tiin a sawi.