Tlai dar 2:00-ah NECS Cup Semifinal Armed Veng Vs Venghlui

Football hmanga veng inelna lian pahnih CYMA Football leh NECS Cup no-mawi kawltu Armed Veng-in vawin tlai dar 2:00 hian NECS Cup 2016 semifinal-ah Veng-hlui an hmachhawn ang. Lammuala inkhel hi LPS-ah pekchhuah a ni dawn.

Player neih dan thlirin Armed Veng hi chak tur zawka ngaih theih ni mah se CYMA Football 2015 quarterfinal result aṭanga thlirin chak lo thei an ni. An intawn hnuhnun ber
ṭum hian Venghlui-in goal an khung hmasa a, hun tawp dawnah Armed Veng-in sutin penalty shotout-ah hnehna an chang.

Venghlui hian player ṭha fal an nei lo a, player hmabak êng erawh an ngah hle. Second Division-a Venghlui FC champion puitu coach Lalmalsawma'n an veng team hi enkawl chhunzawmin Dinthar FC keeper Vannunmawia, Chanmari FC winger Ṭhasiama leh Zo United midfielder Isak Vanlalpeka te'n an belh bawk avangin second division aiin an
ṭha zawk.

Armed Veng-in kee-per Andrew Lal-hming-liana, defender B. Zo-ramthara leh forward Lalfakzuala (Mizoram Police), midfielder Lal-biak-hlua leh defender Van-lalruata (Chanmari West), Vanlalduatsanga, Lalmuanzova, Lalawmpuia Hnamte leh Zothanzuala (Aizawl FC Junior) te an kawl a, hming langsar lo player-te pawh Mizoram Police Academy-a awmte an ni hlawm bawk.

Champion lai hi team ṭha zawk ni mah se Armed Veng coach Lalramchuana chuan, "Second Division-ah an che ṭha a, nikumah vannei takin kan hneh a. Keini hian team ṭha leh ṭha lote hi kan tum tawk vek bawk si a, chak tur ka sawi lawk thei lo," a ti.

Venghlui GSA presi-dent Jeffrey VL Rempuia chuan, "Kan hlau zawk tihna ni loin Armed Veng chu team ṭha zawk a ni. Amaherawhchu theihtawp kan chhuah dawn a, veng-chhung mipuiin min ṭawi-awm ṭhat bawk chuan final hi kan thlen ngei ka ring. Kan coach Sawmtea leh pla-yer-te chungah hian rinna kan nghat," tiin a sawi.