Djokovic leh Nadal-a'n third round paltlang

Nimin zing khan world number 1 Novak Djokovic chuan Philipp Kohlschreiber lakah 7-5, 7-5 a hnehna changin BNP Paribas Open third round a paltlang a, inkhel dangah Rafael Nadal chuan 6-0, 7-6 in Fernando Verdasco a hneh ve bawk.

Champion lai Djo-kovic hian tukin zing dar 5:00 khan Feliciano Lopez a hmachhawn a, Nadal pawhin Alexandr Zverev a hmachhawn ve leh bawk ang. World number 2 Andy Murray chu second round paltlang zo loin a tla tawh thung.

Indian Wells-a vawi thum lo champion tawh Nadal chuan, "Kumina ka tournament khelh tawh Australia, Buenos Aires leh Rio de Janeiro-ah te beisei phak loin ka tla tawh a, tun ṭuma hnehna ka chang thei hi ka lawm hle," tiin a sawi.

Inkhel dangah seeded pangana Kei Nishikori-a'n 7-6, 7-6 in Steve Johnson a hneh a, John Isner pawh-in vawi 15 ngawt ace vaw chhuak chungin Adrian Mannarino lakah 6-4 7-6 in hnehna a chang a, Jo-Wilfried Tsonga pawhin Sam Querrey chu 6-3 6-4 in a hneh bawk.