Diego Costa hrem dawn lo

Chelsea striker Diego Costa chuan hremna pakhat zawk a pumpelh a, Goodison Park-a Everton 2-0 a an hneh ṭumin mawi lo taka fan ṭawngkhumah puh ni mah se Football Association chuan hremna a pe dawn lo.

Kum 27-a upa striker hi inkhelh chawlhlawkah Everton fans lam hawiin mawi lo taka ṭawngah puh a ni a, mahse FA lamin a insawifiahnate an ngaihthlak hnuah hremna pek loh turin an rel.

Spain international striker hi FA Cup quarterfinal-ah hian Gareth Barry-a seh nia puh chungchangah erawh thutlukna siam a la ni lo a, FA chuan thubuai siamsak mah se Costa hi insawifiahna hun pek a ni.