Hmahruaitu nithei Khatla TBL vs Tuikual South

Zanin dar 8:00 hian Mizoram Super Legue season 2-a league round hnuhung ber chu khelh a ni dawn a, champion lai Khatla TBL leh Tui-kual South chu Hawla Indoor Stadium, Republic Vengthlangah an inhma-chhawn dawn.

Khatla TBL leh Tui-kual South te hian semi-final an lut chiang tawh a, mahse table-a chungnung zawk nih theihna hun a nih avangin an inkhel tur hi an ti mai mai lo ang tih a chiang.

Tun dinhmunah TBL hian point sarih hmuin table-ah hmahruaitu an ni mek a, Tuikual pawhin point sarih tho an hmu a, an danglamna chu goal average chiah a ni. Nizana Mission Veng Vikings leh Chaltlang Ryders inkhel result a zirin hmahruaitu hi a danglam thei.

Vikings an chak a nih chuan hmahruaitu an ni rih dawn a, Tuikual South hian TBL hi an hneh a nih chuan hmahruaitu dinhmun an chhuhsak ang. TBL erawh an chak a nih pawhin Vikings hi an lo hneh loh tawh avangin pahnihna an nih a ngai ang.

Nikum kum tawp lam aṭanga inbuatsaihna lo nei ṭan tawh Tuikual South hian an match hmasa pa-thumah hnehna an chang vek a, an match hnu-hnung berah erawh Zarkawt Serpents an hneh lo, a zawna chak loh an duh dawn lo. MSL2-a player hmuhnawm berte zinga mi Armed veng tlangval Vanchuangpuia leh MSL1-a point score hnem ber Lalmuanpuia Zote te an neih avangin eng team pawh hneh thei turin Tuikual South hi an ṭha tawk.

TBL hian an match hnuhnung bera Zarkawt BCA an hneh ṭumin India captain Vishesh Bhriguvanshi leh Pratham Singh an chhawr thei tawh a, anni pahnih hi zaninah an khelh tawh beisei a ni. City Police aṭangin Gospel Lalthanmawia leh R. Lalmalsawna te an lak chhuah theih avangin league match-ah Mission Veng Vikings lakah lo chesual tawh mah se champion tura rinkai an ni leh tawh.

Eng nge an sawi?

TBL manager Lal-awm-puia Pachuau chuan, "Kan khingpui turte hi team ṭha an ni a, an dinhmun ṭha tawh mah se an ti mai mai dawn lo. Keini pawh chak ngei tumin kan khel dawn a, kan player zingah hliam an awm loh vangin beiseina kan nei sang," tiin a sawi.

Tuikual South mana-ger Lalremsiam Hrahsel chuan, "Fans an phur a, anni puihna zarah chak tumin kan khel ang. Rakesh a lo la thleng lo a, Haryana forward hi semifinal-ah chuan a lo thlen theih tawh kan beisei. Ani la awm lo mah se tualchhung tlayer ṭha tak tak kan kawl khawm avangin kan zam lo," tiin Vanglaini palai a hrilh.