N. Ireland manager O'Neill-a'n contract thar ziak

Euro 2016 khel tura Northern Ireland hruai thlengtu manager Michael O'Neill chuan kum li dang cham turin contract thar a ziak a, kum khat chhunga a hlawh tur zat hi £500,000 niin Northern Ireland chanchina coach hlawh hnem ber tur a ni.

Kum 46-a upa O'Neill hian December 2011 khan Northern Ireland hi a enkawl ṭan a, an ram team enkawl tura rawih a nih hma hian League of Ireland club Shamrock Rovers chu Europa League group stage a hruai thleng. Euro 2016 an khelh tur hi kum 1986 hnua Northern Ireland-in inelna liantham an khelh leh hmasak ber tur a ni dawn.

Northern Ireland hi Euro 2016-ah hian Poland, Ukraine leh Germany-te nen group khatah an awm ho a, Euro zawh rual hian O'Neill hian a contract hi a hmang ṭan nghal ang.