Halep hnehtu Williams

Serena Williams chuan Australian Open final-a Angelique Kerber a hneh loh hnua a match hautak ber tia chal ngam tur chu nimin khan a khel a, seeded 5-na Simona Halep hnehin BNP Paribas Open quarterfinal a paltlang.

World number 1 Wil-liams hian darkar khat leh minute riat chhungin Ha-lep lakah hian 6-4, 6-3 a hnehna changin semifinal a inhlangkai a ni.

Grand Slam vawi 21 champion tawh Williams hian vawi sarih ace a nei thei a, Halep service hi vawi li ngawt chhuhsak bawkin a khel ṭha hle a ni. American star Sere-na leh Romanian nula Halep te hi vawi riat an inhma^-chhawnna niin Serena hian vawi sarih ngawt hnehna a chang tawh.

Inkhel dangah Ag-niesz-ka Radwanska chuan Petra Kvitova lakah 6-2, 7-6 in hnehna a lo chang ve bawk a, semifinal-ah Williams nen an inhmachhawn ang. Player ṭha pahnih-te hi Australian Open semifinal-ah a zawnin vawi hnih an lo inhma^-chhawn tawh a, hengah hian Williams hian hneh-na a chang ve ve.