Derby County advisor thar Harry Redknapp

Tottenham leh West Ham manager hlui Harry Redknapp chuan Championship club Derby County chu advisor angin a zawm.

Kum 69-a upa manager hian Derby head coach Darren Wassall chu season tawp thleng a thawhpui ang a, thurawn a pe ṭhin dawn a ni.

January 2015-a Queen Park Rangers a chhuahsan hnua club enkawl la nei leh lo Redknapp chuan, "Club chairman Mel Morris nen kan inbiak hmasak ber aṭang khan he club tana a hmathlir thui takte ka hrethiam a, Derby ka pui thei tur hi ka lawm hle a ni," a ti.

Redknapp hian Jordan chu World Cup qualifier match hnih khelh tur an neihah a pui dawn bawk a, Bang-ladesh leh Australia an hma-chhawnna inkhelah a kaihruai ang.