England U20 squad-ah Rashford

Marcus Rashford chu Euro 2016 khel tur Roy Hodgson-a enkawl England squad-ah koh a la ni dawn lo niin a lang. Manchester United rawl-thar hi England U20 squad-ah zawk koh tel a la ni rih.

Kum 18 chauha upa Rashford hi season ṭan dawn kha chuan mipui ngaihven a la ni lo a, Anthony Martial hliam chu hlepah ngaiin Europa League-a FC Midtjylland 5-1 a an hneh ṭumin goal hnih a khung a, Premier League-ah Arsenal 3-2 a an hneh ṭumin goal hnih a khung zui leh bawk avangin Old Trafford-ah chuan hming langsar ber pawl a ni mek.

England U16 leh U18-ah pawh a lo khel tawh a nih avangin U20 team a telh a ni hi atan chuan hmasawnna a ni tho a, March 27 khian Canada an hmachhawn dawn a ni.

Manchester United head of academy Nicky Butt chuan rawlthar duh-awm Rashford hi England tan leh Manchester United tana khel tlak khawpa thiam ni tawh mah se senior team-a hmun chang tur chuan a la hmanhmawh thlak loh thu leh a la hun lo zawk hiala a hrait thu a lo sawi tawh.