Champion lai Armed Veng-in final an lut Vawiinah Vaivakawn Vs BVT

2016 NECS Cup semifinal hmasa zawkah Armed Veng leh Venghlui te hun pangngaiah 1-1 in an inhnehtawk a, penalty shootout-ah champion lai Armed Veng 6-5 in an vannei. Vawiin tlai dar 2:00 hian Lammualah Vaivakawn leh Bethlehem Veng-thlang ten semifinal hnuhnung zawk an khel dawn.

Champion lai vannei

Armed Veng-in tawnhriat nei ṭha player an kawl tam avangin Venghlui hneh hi harsa turah ngaih a ni lo. Minute 36-naah Lalmuanzova cross chu Lalfakzuala'n Armed Veng hmahruaina goal atan a khung a, inkhel result a chiang nghal uarhah a ngaih theih.

Amaherawhchu Venghlui coach Lalmalsawma'n a player neih angte a hmang thiam a, Zo United midfielder Isak Vanlalpeka'n first half tawp hma hretin freekick aṭangin an siphurh a sut a, keeper Andrew Lalhmingliana'n goal lut hi a en liam.

Second half laihawlah Venghlui striker KC Larchhuakmawia hnawhchhuah ni mah se coach Sawmtea'n tlarhnung a rem phui tlat a, Armed Veng-in inkhel thunun chungin extra time thlengin goal an khung thei lo.

Penalty shootout-ah Venghlui keeper Vannunmawia'n vawi hnih save mah se a team-te chakpui zo lo a, B. Zoramthara'n Armed Veng tan chakna goal a khung. Police defender B. Sena hian Armed Veng South an hneh ṭumin chakna goal a lo tauh lut tawh bawk.

Semifinal hnuhnung zawk

Armed Veng khing pha turin Bethlehem VT-in player an nei ṭha a, MPL-a BVT enkawltu Lalsangzuala Hmar-in a enkawl bawk. Amaherawhchu football-ah chuan result eng pawh a thleng thei a, Vaivakawn hian semifinal thleng tura penalty shootout vawi thum ngawt an paltlang avangin BVT tan vanduai theihna an ni.

BVT lamah Chhinga Veng lama chaknga goal khungtu Lalding-ngheta tlarhma lamah a pawimawh dawn a, Vaivakawn innghahna tur chu Aizawl FC winger Laldampuia a ni thung ang.

Vaivakawn ṭantute K. Kawla Stand-a ṭhut tur a ni a, BVT ṭantute Zomuanthanga Stand-ah an awm thung ang.

Team Ṭha BVT hmaah  penalty pet thiam Vaivakawn

Semifinal Kalkawng

Second Round

ITI 1 - 1 Vaivakawn

Vaivakawn: Vanlalhriata 58'

Penalty shootout-ah Vaivakawn 3 - 1 in an chak

Bethlehem VT 5 - 0 North Serzawl

BVT: Lalzatluanga 16'; P.C Zosanga 32'; Zoremsanga 54'; Lalrammawia 87'; Amos Lalnienga 85'

Round of 32

Vaivakawn 4 - 0 Bawngkawn

Vaivakawn: Lalduhawma 4'; Lalruatkima Dosel 7'; Laldampuia 30'; Zomuanthanga 42'

Bethlehem VT 2 - 0 Maubawk

BVT: P.C Zosanga 4', 75'

Round of 16

Vaivakawn 1 - 1 Mission VT

Vaivakawn: Lalengmawia 59'

Penalty shootout-ah Vaivakawn 5 - 4 in an chak

Bethlehem VT 4 - 0 Salem Veng

BVT: Michael Lalneihtira 31'; P.C Zosanga 43', 52'; Amos Lalnienga 79'

Quarterfinal

Vaivakawn 3 - 3 Ramhlun South

Vaivakawn: Moody Lalawmpuia 4'; Laldampuia 17', 90'

Penalty shootout-ah Vaivakawn 3 - 2 in an chak

Bethlehem VT 1 - 2 Chhinga Veng

BVT: Lalmawizuala 26'; Laldingngheta 81'