A sang paliah Chhinga Veng leh Siaha

Nimina 2016 MFA Cup khelhah Chhinga Veng FC leh Siaha FC ten nimin khan Young Learners FC leh Rengtekawn FC te sawpin semifinal an lut.

Siaha FC tan Dinthar FC leh Luangmual FC striker hlui MC Malsawmzuala'n hattrick siamin an ṭhenawm district Lawngtlai aiawh Young Learners chu 3-0 in an hneh. Inkhel hnuhnung zawkah Chhinga Veng tan C. Vanlallawma'n hattrick a siam bakah Lalvensanga'n goal khat a khung a, Rengtekawn 4-1 in an hneh.

Inrinni chhun hian Chhinga Veng leh Siaha FC ten group match hnuhnung ber an khel dawn a, Aizawl DFA champion tan group hma-hruai-tu ni turin draw result a tawk.

Vawiin hian Group A te'n group match hnuhnung ber an khel dawn a, Champhai DFA aiawh Zotlang FC an tling chiang tawh. Venghlun FC, New Serchhip FC leh Zotlang FC (Lunglei DFA) ten semifinal luhna chance an la nei vek.

Vawiin Inkhel Tur - Group A

12:30 PM Zotlang FC (CDFA) Vs Zotlang FC (LDFA)

02:30 PM Venghlun FC Vs New Serchhip FC

# Team Pld W D L GF GA GD Pts

1 Zotlang FC (CDFA) 2 2 0 0 8 2 6 6

2 Venghlun FC 2 1 0 1 3 4 -1 3

3 Zotlang FC (LDFA) 2 0 1 1 0 1 -1 1

4 New Serchhip FC 2 0 1 1 0 4 -4 1

Nimin Inkhel Results - Group B

Young Learners FC 0 - 3 Siaha FC

Siaha : MC Malsawmzuala 34', 39', 65'

Rengtekawn FC 1 - 4 Chhinga Veng FC

RFC : Laltlanhlua 74'

CVFC : C. Vanlallawma 41', 47', 66', 77'; Lalvensanga 71'

# Team Pld W D L GF GA GD Pts

1 Chhinga Veng FC 2 2 0 0 14 2 12 6

2 Siaha FC 2 2 0 0 6 1 5 6

3 Rengtekawn FC 2 0 0 0 2 7 -5 0

4 Young Learners FC 2 0 0 0 1 13 -12 0