Zarkawt aiawhin club pakhat

Mizoram Super League Season 2 semi-final hmunruak pakhat chu vawiin tlai dar 4:00 hian Hawla Indoor Stadium-ah Zarkawt club pahnih BCA leh Serpents ten an inchuh ang.

MSL-ah head to head hman a nih avangin point khata hmu tam zawk Ser-pents dinhmun a ṭha bik lo, basketball-ah inhnehtawk a awm chuan overtime an khelh zel avangin vawiin tlaiah chak zawk an awm dawn a, a chak zawkin semifinal an lut dawn. A chak lo zawkin Chaltlang Ryders nen relegation playoff an khel ang.

Season 1-ah BCA hian Serpents hi vawi hnih an hneh a, an intum hmasak ṭumin 75-70 in an chak a, a vawi hnihnaah 65-57 in an hneh leh bawk. BCA tan an intum hmasak ṭuma khelṭha Zorinsanga, Henry Lalramngaihawma leh Jackson Lalrintluanga te chu tun season-ah pla-yer pawimawh an la ni reng a, Serpents lam-ah Hmingthansanga, K. Lal-hruaitluanga leh Lal-sangkima te team in-nghah-na an la ni reng bawk.

MSL1-ah Serpents-in vawi hnih hneh loh team pakhat chiah an nei a, chu team chu BCA hi a ni. Zarkawt Serpents manager Dino Laldinpuia Chhangte chuan, "Rilrua kan inpeih a ṭul a a, chumi tur chuan kan inpuahchah bawk," tiin Vanglaini palai a hrilh. Serpents hi season khatna aiin an ṭha zawk a, Delhi lam coach Arvinder Singh bakah an player thar bigman Sahil Sharma a ṭangkai nghal. An player thar veteran player Lianhmingmawia leh rawlthar duhawm Lalramropuia (LR-a Junior) te chu squad tikimtu ni loin team chakna an ni bawk.

Zarkawt BCA lamin Mizo baller zinga sang ber Matthew Remtluanga Sailo (Pupua) an nei thar a, center Pupua hian Zarkawt Derby a tingaihnawm sawt ang. Zarkawt khawtlang leh basketball lama tui tan Hawla Indoor Stadium pan a fuh ang.