Vawiin aṭangin Inter Village U16

Mizoram Football Association buatsaih All Mizoram U16 Inter LC / VC Football Tournament - 2016 chu vawiin aṭangin RG Stadium, Mualpuiah khelh ṭan a ni dawn.

Janua-ry 1, 2001 leh a hnu lama piang tan a tel theih. Player-ten birth certificate an nei vek tur a ni a, birth certificate nena inang certificate dang (eg. School Certificate/Baptima Certificate/ Ration Card etc.) an nei tel tur a niin certificate-te hi en theih mai turin team-in an kawl reng tur a ni.

Team khata player pathum (3) aia tam drop/over age an awm chuan team disqualify an ni ang. Chhan hrang hrang avanga player dik lo a khel hriatchhuah (document proof) an awm chuan team chu disqualify an ni ang.

Team 107 an tel a, last 16 hma zawng hi 35+10+35 mins. a khelh a ni ang a; an inhnehtawk chuan penalty shootout tur a ni. Round of 16 aṭangin fixture hi pawh ṭhat leh tur a ni.

MFA chuan kum dik tak inelna siam a, talent hunt atan hman a tum a;kum dik lo inlan tum buai lo turin an hriattir.

Vawiin Inkhel Tur

RG Stadium, Mualpui

12:00 Noon Kelsih Vs Armed Veng S

01:30 PM Durtlang Vs Govt. Complex