Europa League Spurs ngam loh Dortmund; Valencia an tla

Tottenham Hotspur-in khual-muala 3-0 a an ngam tawh loh hnu Borussia Dortmund chu White Hart Lane-ah pawh an ngam chuang lo a, 2-1 in an hneh lo.

Premier League nomawi beiseitu Spurs tan Europa League-ah beisei tur a awm tawh lo a, inkhel pahnih belhkhawmah 5-1 a chak loin last 16 aṭangin an tla.

Mikhual team tan Pierre-Emerick Aubameyang chuan goal hnih a khung a, Spurs mualpho zualpui tur khuh nan Son Heung-min chuan goal khat a khung ve bawk.

Dortmund forward Auba-me-yang-a'n tun season-ah goal 35 a khung tawh a, Gabon international hi Barcelona, Paris St-Germain leh Manchester United-te nen sawizawm an ni.

Europa aiah Premier League

Spurs manager Mauricio Pochettino-a'n Europa League aiin Premier League-a ngai-pawi-mawh zawk a, Signal Iduna Park-a team ṭha lo zawk lo khelhtir tawhtu manager hian White Hart Lane-ah pawh league top scorer Harry Kane chu bench-ah a dah a, an match hnuhnung 13-a tlawm hmel hmu lo Dortmund an ngam lo hle.

Kum 1961 hnua league nomawi la chawi leh lo Spurs hian Pathianni zan dar 9:30-ah league match khel turin Bournemouth an mikhual dawn a, league-ah pahnihna dinhmun an hauh mek bawk avangin Europa League aia Premier League an dah pawimawh hi mak hran lo.

Pochettino thukhawchang

Tottenham manager Mauri-cio Pochettino chuan, "Europa League aṭanga kan tlak avangin ka lawm lo a, mahse kan hriat reng tur chu Champions League level-a khel ṭhin club kan hmachhawn tih hi a ni. Borussia Dortmund hi Eu-rope-a team ṭha ber pawl an ni," tiin an khingpui team a fak.

Valencia hremtu Aduriz

Valencia-in an mikhual Athletic Bilbao chu 2-1 in hneh mah se khualmualah goal an khung ve loh avangin last-16 aṭangin an tla. Team pahnih hi inkhel hmasa nena belhkhawmin 2-2 in an inhneh-tawk a, khualmuala goal khat neitu Bilbao an tlang.

Mualneitu Valencia-in Santi Mina hmanga first leg-a an si phurh an sut hnuin Santos chuan an goal hnihna mawi takin a tauh lut bawk a, first half-ah goal hnih ngawt an khung.

Mahse, second half-ah Bil-bao tan Aritz Aduriz a inlar a, kum 35-a upa striker hian minute 75-naah goal khat khungin mikhual team tan away goal hlu tak a hlawh chhuak.

Valencia coach Gary Ne-ville chu khelmual pawnah mawi lo taka a chet avangin fans zinga ding tura tih a ni. English defender rorum ṭhin hian Aduriz-a goal khung hmaa Oscar de Marcos-a handball referee-in a hmu lo chu a thinrimpui a ni.

Champion lai Sevilla

Champions League aṭanga an tlak hnuah Sevilla-in an lalna ram Europa League-ah an theihna an lantir zel a, FC Basel chu 3-0 a hnehin season thum chhung Europa League quarterfinal an lut ta.