Armed Veng an harh thar

Mapuia Cricket League, Suaka Cricket Ground-a khelh mekah nimin khan Armed Veng CC chuan an khingpui Kulikawn CC chu run 52-in an hneh.

Armed Veng-in hnehna an chan avangin league bul ṭan ṭha Chanmarians CC leh Zarkawt Lords CC-te chungah vawrh chhoin pathumnaah an inhlangkai dawrh a. 1st division champion Kulikawn erawh 2016 MCL-ah chak an la nei lo a, table mawngphahah an awm.

Nimin inkhelah hian toss-a vannei Kulikawn-in vawm hmasak an thlang a. Armed Veng-in over 20 chhungin run 155 siamin wicket kua an hloh. Kulikawn-in chak nan run 156 tal an siam a, a hautak lutuk hret avangin over 20-ah wicket ruk hlohin run 103 chauh an vaw chhuak.

Vawiin hian inkhel pahnih a awm dawn. Zing dar 9:00-ah table-a panganaa awm mek Zarkawt Lords leh table hmahruai mektu Chhinga Veng CC-te an inhmachhawn dawn. Chhun dar 12:30-ah vawi thum khelha la chak fai vek Chaltlang SC an inlar dawn a, an khingpui tur chu Chanmarians CC an a ni. MCL inkhel zawng zawng hi LPS1-ah live ṭhin a ni.