Dortmund-ah Klopp a kir dawn

Nimin tlai khan Europa Lea-gue quarterfinal draw neih nghal a ni a, Liverpool-in Bundesliga club Borussia Dort-mund an hmachhawn dawn.

Dortmund hian Tottenham Hotspurs sawpin quarterfinal an lut a, German club leh Reds inkhel turin ngaihven a hlawhchhan tak erawh Liverpool coach Jurgen Klopp-a'n a club hlui a hmachhawn dawn vang a ni.

2001/02 UCL group stage-ah Reds-in Anfield-ah 2-1 in hnehna an chang a, Germany-ah goal awm loin an inhnehtawk. 1966 European Cup Winners' Cup final-ah erawh Dortmund 2-1 in an chak a, champion nomawi an chawi.

Athletic Bilbao leh Sevilla te a vawi khat nan Europe-ah an intawng dawn a, Lazio hnehtu Sparta Prague-in Villarreal an hmachhawn dawn. Sparta Braga leh Shakhtar Donetsk an inhmachhawn dawn a, 2010/11 UCL-ah Shakhtar hian vawi hnih hneh tawh mah se Braga hian hemi season hian Europa League final an lut thung.