MSN aiin Barca pawimawh zawk - Messi

Lionel Messi chuan MSN ai chuan Barcelona team pumpui chu ngaihpawimawh zawk tur a nih thu a sawi.

Barca attacking trio Messi, Luis Suarez leh Ney-mar te hi 'MSN' tia koh ṭhin an ni a, tunlai khawvela hmatawng hlauhawm ber an ni mek. Anni pathum hian season hmasa khan goal 122 khungin Catalan club chu treble champion an nih pui a, tun season-ah pawh nomawi pathum chawi thei dinhmunah an ding mek.

Tun season inelna hrang hranga goal 37 khung tawh Messi chuan, "Barca hian squad chhah ṭha tak a nei a, he club hi tlarhmaa mi pathuma innghat a ni lo. Mimal pawimawh bik awm loin kan zavaia ṭanhona ṭha avangin hetiang result hi kan nei thei a ni a, chhawm nun zel pawh kan duh," tiin a inngaitlawm hle.

Barca hi Pathianni zan dar 8:30 hian Villarreal khelmualah an leng lut ang a, La Liga-a pa-thum-na ni mek Real Madrid pawhin hemi zan vek hian dar 1:30-ah Sevilla an lo mikhual ang.