City hmaah PSG

Manchester City-in an duh aia hmain Pep Guardiola an mikhual lo hlauh a, chutihrualin ni-min Champions League draw-ah an lawm kher lo ang. English club hian quarterfinal-ah Chelsea hnawt chhuaktu Paris St-Ger-main an hmachhawn dawn.

Kumin Champions League-ah Barcelona leh Real Madrid te chiahin hneh loh an tawng lo. Catalan club boss Luis Enrique chuan a tum châk lo ber chu Barcelona an nih thu a sawi a, chuvangin La Liga-a vawi hnih an hneh tawh Atletico Madrid hi a hurphurh hranpa lo ang. Club hotute erawh an khingpui tur hi an zuam lo, Bar-celona board member Javier Bordas chuan, "Atletico aia khingpui awlsam zawk hi an awm a ni. Atletico defending
ṭhat zia hi chu mi zawng zawng hriat a ni," tiin a sawi.

Real Madrid-in team nem ber tura ngaih Wolfsburg an hmachhawn dawn a, team pahnih hi UEFA hnuaia inelnaah an la intawng ngai lo. Zinedine Zindane-a hote hian semifinal an luh ngei a rinawm a, German club hi group stage-a Manchester United pet chhuaktu tih erawh hriat tel a ṭha.

Pep Guardiola hoten Benfica an hmachhawn dawn a, Bayern midfielder Xabi Alonso chuan, "Quarterfinal chin tawhah chuan khingpuite an harsa vek tawh," tiin a sawi. German club hian vawi ruk an inhmachhawn tawhah vawi li an chak a, vawi hnih an inhnehtawk a, an intawn hnuhnun ber chu kum 1995 daih tawh kha a ni.