Kum 14 hnuah BVT-in final lut

19th March, 2016

Bethlehem Vengthlang-in kum 2002 khan CYMA Football final an lut a, Dinthar hneh loin pahnihna an ni.

Nimin khan Lalsangzuala Hmar enkawlna hnuaiah BVT hian NECS Cup 2016 semifinal-ah Vaivakawn 2-1 in an hneh a, kum 14 hnua a vawi khat nan veng leh veng inelnaah final an lut.

BVT hian Thawhlehni tlai dar 2:00-ah champion lai Armed Veng nen Lammualah final an khel ang.

Semifinal hnuhnung zawkah team ṭha lo zawka ngaih Vaivakawn-in MPL club nei BVT an barakhaih a, minute 15-na lekah Lalthangliana'n freekick hmang
ṭangkaiin hmahruaina goal a tauh lut.

Goal khat luh hnuah BVT an harhthar a, inkhel an thunun chhunzawm bawk. Mi-nu-te 33-naah Lalrammawia'n BVT si- phurh sutna goal a khung a, minute 55-na-ah Laldingngheta'n chakna goal a thun zui bawk.

BVT-in inkhel thunun mah se goal dang an khung belh thei lo a, chakna goal khungtu Dingngheta hian quarterfinal-a Chhinga Veng an hmachhawn ṭumin chakna goal a lo khung tawh bawk.

BVT coach Lalsangzuala Hmar chuan, "Player thuawihna hi kan vanneihna chhan a ni a, Pathian malsawmna vanga final lut thei kan ni. Kan champion leh champion loh chu Pathian thu thu a ni," tiin Vanglaini palai a hrilh.