Zaninah MSL khel zel tur zawnna

Mizoram Super League Season 2 ṭan hmaa champion tura rinkai Zarkawt BCA chu nomawi chawi turin an ṭha tawk lo a, MSL khel zel turin an ṭha tawk em tih chu Relegation Playoff-ah a chiang ang.

Marova Memorial Baksetball champion BCA-in league round-ah Chaltlang Ryders chiah an hneh a, state pawn player pahnih Rachit leh Vishal neitu Ryders-in hneh an nei lo. Zanin dar 8:00 hian Hawla Indoor Stadium-ah BCA leh Ryders ten Relegation Playoff match hmasa ber an khel dawn.

Relegation Playoff hi best of three series niin March 30 hian Game 2 an khel leh ang a, chak zawk an la awm lo a nih chuan April 6-ah Game 3 an khel ang.

Zirtawpni zan khan Khatla TBL-in Tuikual South chu 94-70 in an hneh. Hmahruaitu Mission Veng Vikings leh palina Tuikual South ten March 22 zanah Semifinal Game 1 an khel ang a, March 23 zanah Khatla TBL leh Zarkawt Serpents ten Semifinal Game 2 an khel ve leh nghal dawn a ni.