Semifinal-ah Saina Nehwal tla

Ace Indian shuttler Saina Nehwal chu Inrinni khan Swiss Open Grand Prix Gold Badminton tour--nament semifinal-ah hnawhchhuah a ni a, Yihan Wang chu straight game 11-21, 19-21 in a hneh lo a ni.

Chinese shuttler Yihan hian Saina hi a ngam hle mai a, vawi 10 a hneh na niin Saina hian vawi li chiah a la hneh let thei a ni.

Kum 26-a upa Saina tan kumin hi kum ṭha a ni rih lo a, kum 2011 leh 2012-a a lo champion tawh-na Swiss Open Grand Prix Gold-ah a chak loh hma hian hliam vangin Syed Modi Grand Prix Gold leh South Asian Games-ah te a inlan thei lo.

Heng te avang hian world number 1 hlui Saina hi BWF world ran-king thar berah chuan number 6-ah a tla hniam a ni.

Mipa inelna lamah seeded pawh chang phak lo HS Prannoy a che fuh hle a, Chinese Taipei shut-tler Tzu Wei Wang chu 12-21, 21-14, 23-21 a hneh-in final a inhlangkai a, nizan khan seeded pasa-rihna Marc Zwiebler nen in-hmachhawnin inkhel result kan hre hman lo thung.