Williams-in Radwanska a hneh

BNP Paribas Open khelh mekah Serena Williams chuan Agniesz-ka Radwanska hnehin final a lut a, semifinal lehlamah Victoria Aza-renka chuan Karolina Pliskova a hneh ve bawk. Nizan khan final khelh niin he thu buatsaih lai hian inkhel result kan hre hman lo.

World number 1 Williams hian Radwanska hi 6-4, 7-6 in a hneh a, a vawi 88 nan WTA final a inhlangkai thei a ni.

Kum 34-a upa Williams chuan, "Nikum-ah kum duhawm tak ka hmang tawh a, kumin pawh hi ka tan kum ṭha a nih chhunzawm mek in ka hria," a ti. American star hian BNP Paribas Open title hi vawi hnih a lo chawi tawh nghe nghe.

Inkhel dangah kum 2012 champion Azarenka chuan kum 26-a upa Pliskova lakah 7-6, 1-6, 6-2 in hnehna a lo chang ve bawk.