Yellow Wall hmaah Newcastle fiahna

Newcastle United-in League Cup aṭangin Manchester United an pet chhuak a, Premier League-ah Arsenal an hneh. Zanin dar 11:15 hian Magpies-in fiahna hautak an hmachhawn lehnghal dawn a, Signal Iduna Park-ah mualneitu Borussia Dortmund nen Champions League inkhel pawimawh an khel ang.

Dortmund khelmual chhim lama ṭhutna chu Yellow Wall tih a ni a, BVB ṭantute kawr eng nen an ṭhu ṭhup ṭhin. European football-a fan thawm ṭha bera chhal an ni a, an hmuhnawm tel bawk.

Newcastle hian an mual St James Park-ah Dortmund hi 1-0 in an hneh lo a, English club hi an chak loh avangin table-ah pathumnaah an awm nghal. Table chung bera awm hi PSG an ni a, French club hian zanin dar 1:30 hian San Siro-ah AC Milan an hmachhawn ve bawk ang.

Group F hi 'group of death' tia sawi a ni a, a dikna hmuhin a awm chho mek. Newcastle hi Premier League-ah rintlak viau mah se Europe inelna erawh a dang hlak a, an ruh a la no deuh tura ngaih an ni.

Mahse, Mapgies pawh hian Dortmund laka an tlawm hmain PSG an sawp thei a, khualmuala khel tur mah ni se German club laka phuba lak an châk khawp ang. Dortmund hian kartawp khan an mualaah Bayern Munich 4-0 ngawtin an hneh lo a, he result hian nasa takin Mapgies a fuih phur ang.