Atletico tana rinawm Simeone

Atletico Madrid chuan Diego Simeone contract chu kum 2027 thleng atan an pawtsei. Argentine manager Simeone contract neihlai hi tun season tawp ruala zo tur a ni a, hetia an pawhsei takah chuan Atletico chanchina manager ni rei a ni thei ang.

Kum 53 mi Simeone hi manager hlawh tam bera sawi a ni a, amaherawhchu a contract tharah chuan nasa takin a hlawh hi a tihniam dawn. Kum 2011 aṭang khan Simeone hian Atletico manager hna hi a thawk ṭan a ni.

Atletico hian kartawp khan mak takin Las Palmas an hneh lo a, table-ah palinaah an awm mek. An chungah Real Madrid leh Barcelona bakah Girona an awm. Zanin dar 1:30 hian Atletico-in Champions League-ah Celtic an mikhual dawn a, khualmualah Scottish club nen an inhnehtawk tawh avangin group stage paltlang turin chak ngei a pawimawh ang.