Shakhtar khelmualah Barcelona

Barcelona-in an league match hnuhnung berah hnehna chang turin vanneihna an mamawh a, hun pek belha Ronald Araujo goal hmangin Real Sociedad chu khualmualah 1-0 in an hneh.

Zanin dar 11:15-ah Barcelona hi an inlan zui leh dawn a, Champions League khel turin Shakhtar Donetsk chu khualmualah an lenchilh dawn - Ukrainian club hian an ram buaina avangin home match hi Hamburg, Germany-ah an khel ṭhin.

Barcelona hian match thum an khelh tawhah hnehna chang vekin table chung berah an awm a, Shakhtar tan hnehna chan ngei ngei a ngai tawh thung - match thum an khelh tawh aṭangin vawi khat chiah an la chak.

Catalan club tana chanchin lawmawm chu Pedri a dam leh ta hi a ni a, August thla tawp lam aṭanga inlan tawh lo midfielder hi an league match hnuhnung berah bench aṭangin a lut thei tawh - Xavi-a'n zaninah pawh bench-ah a dah hmasa a nih pawhin a mak lo ang.