Goa-in Chennaiyin an sawp

Pathianni zan Indian Super League inkhelah FC Goa-in hnehna chang turin harsatna an tawk lo a, an mikhualna ramah Chennaiyin chu 3-0 in an hneh - Goan club tan Boris Singh, Rowllin Borges leh Udanta Singh ten goal khat ṭheuh an khung a, hun tawp thlenga goal dang lut loin Goa an chak chiang hle.

Goa hian tun season ISL-ah match nga khel tawhin vawi li an chak a, vawi khat draw an nei - table chung ber an luah mek a, kum 2022 ISL-a Hyderabad champion puitu Manolo Márquez kaihhruaina hnuaiah an chet ṭhat an chhunzawm zel.