Tyson hmachhawn leh turin Holyfield a inpeih

World heavyweight champion hlui Evander Holyfield chuan boxing khawvela chanchin tam tak a lo neihpui tawh Mike Tyson chuan inhnekpuiah a sawm leh 

a nih chuan a hnial loh tur thu a sawi.

Kum 57 mi ni ve tawh Holyfield hi a vanglaiin kum 1990 chho khan Mike Tyson nen vawi hnih an inhmachhawn a, a chak ve ve - a hnuhnung zawkah hian Tyson hian a beng 

a sehsak a, khawvel titi a tling. 

Holyfield chuan, "Tyson hi inhmachhawn leh turin va sawm ta ila, vawi hnih lo hneh tawhtu ka nih avangin ka tan thil mawi 

a ni lo," a ti!

Boxer pahnih hian tun hnaiah ring chhunga kir leh tura an inbuatsaih thu an sawi a, hei erawh mi harsa zawkte ṭanpuina tura ti an ni thung. Holyfield hian Tyson nen hian round thum vel chu an inhnek leh theih a beisei a ni. 

Holyfield chuan, "Tyson hi va cho hmasa ila, lo hneh tawhtu ka nih avangin pressure ka nei mai mai dawn a, chu pressure chu neih ka duh lo. Kum 58 mi ka ni tawh dawn a, ani hi kum 54 mi a ni tawh dawn thung," a ti. 

American boxer Holyfield hian vawi 57 inhnek a hmachhawnah vawi 44 hnehna a chang a, vawi 10 a tlawm. Kum 2011 khan a match hnuhnung ber khelin  Copenhagen-ah Brian Nielsen a hneh. 

Kum 20 mi lek nichunga world heavyweight champion naupang ber record lo chelh tawh Tyson hian 2005 khan a match hnuhnung ber chu a khel a, mahse a vawi 58 inhnek hmachhawnnaah hian Kevin McBride ngam loin a career-a a vawi ruk nan a tlawm.