AIFF leh MFA aiawhten meeting nei

All India Football Federation leh Mizoram Football Association aiawhte chuan May 25, Thawhṭanni zan khan Youth Football kal zel dan turah inrawn khawmna (video conferencing) an nei.

MFA aṭangin  honorary secretary Lalnghinglova Hmar, assistant secretary Lalrawngbawla, AIFF developement officer Samson Ramengmawia bakah executive committee member Lalrengpuia, K. Lalenghluna (Maenga) leh Zaihmingthanga te an tel a, meeting hi I League CEO Sunando Dhar-a'n a kaihruai a ni.

AIFF hian youth football hmasawn zel dan tur leh mi tam zawkin an khelh theih dan, AIFF duan anga MFA-in Mizoram chhunga a kalpui theih dan tur, state football kalpui dan tur hrang hrangte sawiho a ni a; futsal-a AIFF hmalakna pawh saw chhuah a ni.

Sunando Dhar chuan Mizoram chu State Football Association zinga hmahruaitu ni thei tura an beisei thu leh, a hlawhtlinna neihte chhunzawm zel tura an beisei zui dante a sawi a, AIFF hmachhawp tihlawhtling turin MFA a sawm.