Ibra chawn a hliam

AC Milan striker Zlatan Ibrahimovic chu training-na hmunah a chawn a hliam, nimin khan a hliam hi endik niin he thu buatsaih lai hian a dinhmun tak kan hre hman lo.

Kum 39 mi Ibra hian nikum December khan thla ruk chhung atan Milan hi a pan, match 10 khelh aṭangin goal li a khungsak tawh. Swede striker inhliam nat dan a zir hian a hma lam hun pawh thui tak a hril thei dawn.

Italian football hi coronavirus vangin an chawl lailawk mek, tunah hian sorkar lam thu an hmuh angin club-ten training an nei ṭan leh tawh. Serie A hi an khelh chhunzawm hun tur la hriat lo mah se August 20 chu an zawh hun tur a ni tih an tichiang tawh.