England tan Ben Stokes

Cricket World Cup champion lai England-in mualpho lutuk tur hliah khuh nan November 8, Nilaini khan Netherlands chu 160 runs-in an hneh.

Three Lions tan champion ṭuma 'hero' Ben Stokes a rawn che ṭha a, ball 84 lekah 108 runs a siam. Dawid Malan (87) leh Chris Woakes (51) ten half century siam bawkin England hian over 50-ah 339/9 runs an siam.

Netherlands tan target a sang mah mah a, over 37.2-ah 179 runs siamin an thi vek. The Flying Dutchmen (Netherlands sawina) hi England an hneh loh avangin table mawngphahah awm mah se South Africa leh Bangladesh an hneh avangin an tan World Cup ṭha tak a ni tho.