Mohammedan chakna Mizo

Nimin I League inkhelah Mohammedan SC chuan 2-1 in Delhi FC an hneh a, Kolkata club tan Gurtej Singh (own goal) leh F. Lalremsanga ten goal khat ve ve an khung a, match li an khelh tawhah Mohammedan hian tlawm an la nei lo - champion an tum.

Delhi defender Gurtej-a'n an lama a tihluh hi Vairengte tlangval David-a thawhrah a ni. David hian I League match li a khelhah goal thum a khung tawh a, Delhi lakah red card hmu pahnih an awm avangin thlak hma a ni a, goal a khung ta lo.

Delhi FC tan Bali Gagandeep chuan goal khat a khung ve a, mahse, goal a khung hian hun pek belh minute riatna a ni tawh a, Yan Law kaihhruai Delhi club tan tho leh turin a harsa tawh.

Ningani zan khan Gokulam Kerala chuan Rajasthan United chu 5-0 in an sawp bawk a, Osasuna striker hlui Alejandro Sanchez Lopez chuan hattrick a siam - Komron Tursunov leh Sreekuttan Vs ten goal khat ve ve an khung bawk.

Vawiin tlai dar 2:00 hian Namdhari leh Real Kashmir te an inkhel dawn a, I League club thar Namdhari hian match hnih an khelh tawhah chak an la nei lo.