New Zealand-in Sri Lanka an sawp

Cricket World Cup-ah New Zealand-in November 9, Ningani khan Sri Lanka chu wicket ngain an hneh a, semifinal lut turin an dinhmun a ṭha hle. Bengaluru-a inkhelah Black Caps-in vawm hmasak an thlang a, Lions-in 171 runs chauh siamin an thi vek. New Zealand-in over 23.2 lekah 172/5 runs siamin target an umpha a, Rachin Ravindra a khel ṭha hle.

India thisen kai Rachin Ravindra hming hi Indian cricket legend Rahul Dravid leh Sachin Tendulkar te hming kaihkawp a ni a, New Zealand kawr hain a pain club level cricket a khehna hmun Bangalore-ah a theihna a pholang. Kum 23 Ravindra hian Sri Lanka lakah 42 runs a siam bakah 21 runs pein wicket hnih a la a, man of the the match-ah an thlang. Tun World Cup-ah Ravindra hian 565 runs a siam tawh a, nimin inkhel chhiar tel loin run siam tam ber a ni.

Black Caps hian World Cup-ah nomawi la chawi lo mah se team ṭha ber zinga mi an ni ziah. Kum 2007 leh 2011 WC-ah semfinal an thleng a, 2015 leh 2019 WC-ah final an thleng bawk. Kuminah semifinal an thlen leh ngei a rinawm a, Kane Williamson-a hote hian final khel tur zawnnaah 2019 WC semifinal-a an hneh India an hmachhawn leh ngei a rinawm ta hle.