ATP Finals khelh dan tur a hriat

Mipa tennis ranking sang zual pariat te inelna ATP Finals 2023 khelh dan tur an duang fel a, season dang ang bawkin group pahnihah ṭhen leh an ni. Inelna hi November 12, Pathianni zan aṭanga khelh ṭan tur a ni.

Green group-ah world number 1 Novak Djokovic chu hming langsar ber a ni. Serbian star bakh hian Jannik Sinner, Stefanos Tsitsipas leh Holger Rune te an awm, an inkhelh kual vek hnuah a sang pahnihin semifinal an lut ang.

Djokovic hi champion lai a ni a, tun ṭumah pawh hian thawn nei lian leh rin hlawh ber a ni leh dawn. Paris Masters title la hlim a nih bawk avangin inrintawkna sang tak nen Turin khawpui a pan thei dawn a ni.

Red group lamah Carlos Alcaraz, Daniil Medvedev, Andrey Rublev leh Alexander Zverev te an awm thung a, an inkhel tawk hlawm khawp ang. Zverev hi 2018 leh 2021 ATP Finals champion thei a ni a, an group-a awm zingah a ranking hniam ber ni mah se dah hniam theih a ni lo.

Green Group: Novak Djokovic (1), Jannik Sinner (4), Stefanos Tsitsipas (6), Holger Rune (8).

Red Group: Carlos Alcaraz (2), Daniil Medvedev (3), Andrey Rublev (5), Alexander Zverev (7).