Kane-a'n record a siam thei ang em?

England captain Harry Kane-a'n tun nipuiah Bundesliga club Bayern Munich a zawm a, German champion tan a che ṭha hle. English striker hi Bundesliga leh Champions League-ah minute 47 dana goal khung ziah ang a ni.

Kane hian UCL-ah goal li a khung tawh a, Bundesliga match 10 aṭangin goal 15 a khung tawh bawk. Bayern aṭanga Barcelona zawmtu Robert Lewandowski khan

2020–21 season khan goal 41 tehmeuh a khung a, season khata goal khung tam ber record a siam.

Kum 30 mi Kane hi Lewy record duhawm tak khum thei tur dinhmunah a ding a, chutihrualin season khata goal khung tam ber record sawi nan chuan a la hma deuh. Season liam taa Bundesliga-a goal khung tam pahnih Niclas Fullkrug leh Christopher Nkunku te khan goal 16 ve ve chauh an khung a, hei erawh Kane-a'n awlsam takin a khum ang. Zanin dar 8:00 hian Bayern-in Allianz Arena-ah Heidenheim an mikhual ang.