Europe inelna ngamtu Emery

Europa Conference League-ah Aston Villa chuan Ningani zan khan AZ Alkmaar chu 2-1 in an hneh a, Unai Emery ropuina belhchhahin a awm. Spanish manager hian a club enkawl chu UEFA hnuai inelnaa match 100 a chakpuina chiah a ni.

Villa Park-ah Alkmaar-in Vangelis Pavlidis hmangin khung hmasa mah se Aston Villa-in Diego Carlos leh Ollie Watkins te goal hmangin an lehthal. Group F-ah Zrinjski hnehtu Legia Warszawa leh Villa ten point kua ve ve hmuin second round lut turin an dinhmun a ṭha hle.

Arsenal manager hlui Emery hian Europa League nomawi vawi li a chawi tawh a; Champions League, Europa League leh Conference League inelna a chak belhkhawm vawi 100 a tling hi a ropui hle. Emery hnuaiah Villa-in nasa takin hma an sawn a, Premier League-ah pawh panganaah an awm mek.