Bundesliga hmahruaitu Leverkusen

Bayer Leverkusen-in Pathianni zan khan an mualah Champions League khel pha Union Berlin chu 4-0 in an sawp a, Xabi Alonso hote hi match 11 khelh zawhah Bundesliga hmahruaitu an ni.

BayArena-ah Leverkusen tan Alex Grimaldo, Odilon Kossounou, Jonathan Tah leh Nathan Tella ten goal khat ṭheuh an khung a, Union Berlin-in a chhanletna an nei lo. Alonso hote hian chak loh an la nei lo a, Bayern Munich nen an inhnehtawk tih loh chu an la chak vek.

Europa League-ah pawh Leverkusen hi an che ṭha a, match li an khelh tawhah la chak vekin group hmahruaitu an ni mek bawk. Germany rama inelna sang berah Bayern Munich tan Harry Kane-a'n goal khung ṭeuh ṭeuh mah se Leverkusen hi an che ṭha ve reng a nih chuan England captain hi nomawi chawi lo thei dinhmunah a ding.