Zorammuana a lo haw

National Games neih zawh taka, boxing-a silver medal latu Zorammuana (Valtea) chuan Pathianni khan Lengpui a lo thleng a, Mizo boxer hi boxer feh chhuak ve dang pahnihte nen Mizoram Boxing Association (MIZBA) hruaitute chuan an lo hmuak a ni.

National Games vawi 37-na, Goa-a neihah hian Valtea bakah amah ang thoa Tuipui khaw chhuak Lallawmawma leh Muthi tlangval Malsawmkima te chu boxing khel turin an inhnek tling a, coach Lalngaihawma Ngente kaihhruaina hnuaiah Lallawmawma leh Malsawmkima te erawhin quarterfinal an paltlang zo ta lo.

Valtea hian flyweight-ah final inhnek thlengin, Services boxer lakah a vanduai zawkah a ṭang a, silver medal a rawn hawn - Tuipui tlangval hian October thla khan boxing thiam vangin Indian Navy chu Petty Officer ni turin a lo zawm tawh.