Lewy-a'n goal a khung leh ta

Barcelona-in goal khung tura an lakluh striker Robert Lewandowski-a'n thla khat chuang goal a khung loh hnuah a hna ngai a chhunzawm leh ta a, Catalan club hian Pathianni zan khan Alaves 2-1 in an hneh.

Lewy hian September 24-a Celta Vigo laka goal hnih a khung hnuah goal a khung leh miah lo a, manager Xavi pawh a mangang hman hle. Alaves lakah pawh Barca an talbuai a, second 18-na lekah Samu Omorodion-a'n mikhual team tan a khung.

Barcelona an talbuai zui a, an vanneihna erawh goal an chhuah lo a, Alaves-in ṭum hnih chance ṭha an hloh. Second half-ah Lewy-a'n a theihna a lantir a, minute 53-naah si phurh sutna goal a tauh lut. Polish striker hian minute 78-naah Ferran Torres-a penatly hlawhchhuah chu goal-ah a chantir a, Barca 2-1 in an chak.

Atletico Madrid pawhin Diego Simeone contract thar an ziahpui hnua an match hmasa berah Villarreal 3-1 in an hneh. Simeone hote tan hian Axel Witsel, Antoine Griezmann leh Samuel Lino ten goal khat ṭheuh an khung.