Nomawi beisei Dortmund an kal zel

Augsburg khelmuala inlan Borussia Dortmund-in si phur hmasa zet mah se goal thumin an chhanglet a, Bundesliga-ah champion beiseina an la nei ve zel.

Tun hnaia goal khung uar tak Pierre-Eme-rick Aubameyang tel loa khel Dortmund-in khualmualah duhthusamin inkhel bul an ṭan thei lo a, mualneitu team tan Alfred Finnbogason chuan minute 14-na lekah goal hmahruai a khung.

Goal an chhuah hnu-ah Dortmund an harh a, minute 45-naah an si phurh an sut nghal. An si phurh sutna goal khungtu hi Henrikh Mkhitaryan niin tun season-ah goal 16 a chiah a ni ta.

Second half khelh a ni a, Dortmund bawkin ro an rel. Minute 69-naah Gonzalo Castro chuan an hmahruaina goal a khung a, Adrian Ramos chuan minute 75-naah an chak nemngheh nan goal thumna a khung ve leh bawk.

Europa League quar-ter-final-a Liverpool hma-chhawn tur club hian Europe inelna aṭangin Tot-ten-ham Hotspur chu 5-1 in an hnawt chhuak tawh bawk a, an khingpuite laka goal khung an uar lutuk hi Merseyside club tan hriat nuam a ni hauh lo ang le.