Champion hnuah Paris St-Germain an tlawm

22nd March, 2016

Ligue 1 champion Paris St-Germain-in nomawi an chawi chiang tawh tih an hriat hnuah an inthlahdah a, table-a pahnihna dinhmun luah mektu Monaco chu Pa-thianni zan khan 2-0 in an hneh lo. PSG tan May 2014 hnua an khelmuala tlawm hmel an hmuh hmasakna ber a ni.

January thlaa CSKA Mos^-cow aṭanga Monaco zawm-tu Vagner Love chuan a club thar tana a goal lina a khung a, Fabinho chuan penalty aṭangin an goal hnihna a khung ve bawk.

Season li chhung a zawna league nomawi chawi tawh PSG-in goal khungna hun ṭha an nei tam a, tun season-a goal 31 khung tawh Zlatan Ibrahimovic-a'n a hun ṭha neih vawi tam a hlah a, Swedish striker hi hat-trick siam thei dinhmunah ding hial mah se ni danga a finishing a phak lo hle.