Mercedes-in bul an ṭan fuh

Pathianni khan Formula 1 intlansiak season chu ṭan niin Australian Grand Prix tlan a ni a, Mer-cedes driver Nico Rosberg chu pakhatna ni-in a teammate Lewis Hamilton chu pahnihna a ni.

Season hmasa khan Mercedes driver pahnihte hian hnehsawh takin Formula 1 inelna an thunun a, Hamilton hi pakhatna niin Rosberg hi pahnihna a ni thung. Tun season intlansiak hmasa berah pawh an theihna san zia an pholang leh chiang hle.

Albert Park, Melbourne-a intlansiakah German driver Rosberg hian British driver Hamilton hi second riatin a hneh. World champion vawi hnih lo ni tawh Fernando Alonso chu Esteban Gutierrez car ke hnung lam a sut avangin a chesual a, vanneihthlak takin Spanish driver hian hliam na lutuk a tuar lo hlauh.

Ferrari driver Sebastian Vettel-a'n lap 31 ngawt hmahruai thei mah se pathumna dinhmun a luah pha chauh a, German driver hnungah hian Red Bull driver Daniel Ricciardo a thleng ve bawk.

AUSTRALIAN GRAND PRIX RESULT

Pos Driver Team

1. Nico Rosberg Mercedes

2. Lewis Hamilton Mercedes

3. Sebastian Vettel Ferrari

4. Daniel Ricciardo Red Bull

5. Felipe Massa Williams

6. Romain Grosjean Haas

7. Nico Hulkenberg Force India

8. Valtteri Bottas Williams

9. Carlos Sainz Toro Rosso

10. Max Verstappen Toro Rosso

F1 STANDINGS AFTER AUSTRALIA

Pos Driver Team Points

1. Nico Rosberg Mercedes 25

2. Lewis Hamilton Mercedes 18

3. Sebastian Vettel Ferrari 15

4. Daniel Ricciardo Red Bull 12

5. Felipe Massa Williams 10