Djokovic a ropui zel

Novak Djokovic-a'n tun dinhmunah khawvela mipa tennis player ṭha ber a nih zia a tilang leh ta. Pathianni zan khan Milos Raonic hnehin a vawi nga nan BNP Paribas Open title a chawi.

Indian Wells-ah world number 1 Djokovic hian darkar khat leh minute 17 chhungin 6-2, 6-0 in hnehna a chang. Serbian thiampuipa hian ATP Masters 1000 title vawi 27 a lakna chiah niin semifinal-a a hneh tak Rafael Nadal title lak zat a nih rual chiah.

Australian Open champion Djokovic hian Raonic hi vawi 23 a hmachhawn tawhah vawi khat chiah a hneh lo.

Djokovic hian Indian Wells-a a inkhelh hnu-hnung vawi 17-ah hnehna a chang vek a, ATP Mas-ters 1000 tournament bikah 2015 Cincinnati final-a Roger Federer a hneh loh hnuah chak loh a la nei leh lo bawk.

Final-a unforced errors vawi li chiah nei Djokovic chuan, "Milos khan hliam a neih avangin ka tan a awlsam phah a, chumai bakah tunkar chhunga ka khelh ṭhat ber ṭum a nih avangin ka tan thil harsa a awm lo," a ti. Canadian star Raonic hi a hnungzâng na vangin inkhelh laklawh laiin enkawl a ngai.