Spurs hruaitu Kane, United chakna Rashford

Harry Kane hoin Tottenham Hotspurs-in Premier League hmahruai mektu Leicester City mumang ram a taka thlentir an tum bik lo a, Manchester Uni-ted-in an club hnawltu Pep Guardiola rilru buaina map turin Marcus Rashford-a goal hmangin Manchester City an hneh ve bawk.

Thlirna Tawi

Pathianni zanah Kane-a'n second 43-na lekah Bourne-mouth lamah goal a khung a, minute 16-naah Spurs forward hian Dele Alli pass chu a pet goal lehin, tun season-ah goal 21 khungin Premier League top scorer a ni mek. Second half minute 52-naah Christian Eriksen-a'n Spurs goal thumna a khung a, Tottenham hian Cherries hi 3-0 a hnehin hma-hruaitu Leicester chu point nga chiahin an pha lo.

Etihad Stadium-ah Rash-ford-a'n minute 16-na leka chiang zeta City defender Mar-tin Demichelis a bum hnuah inkhela goal awmchhun a khung. Kum 18 leh ni 141-a upa Rashford hi Manchester Derby-a goal khung thei naupang ber a ni a, kum 35-a upa Demichelis erawh a khelh chhiat em avangin minute 53-naah thlak a ni.

Champion leh UCL

Tottenham khelh hmabak club-te chu Liverpool, Man-chester United, Stoke City, West Brom, Chelsea, Southampton leh Newcastle te an ni a, tum châkawm deuha lang chu West Brom chiah an awm. Spurs hian an chak vek a nih pawhin champion tur chuan Leicester-in point ruk an hloh a ngai a, Mauricio Pochettino-a'n Claudio Ranieri aiin player nei ṭha zawk niin lang mah se champion tur chuan vanneihna an neih a ṭul ang.

Tottenham head coach Mau-ricio Pochettino chuan, "Goal kan khung hma a, kan puitling tawh tih kan lantir avangin kan lawm hle a ni. Kan squad zinga 90% hian international match an khel dawn a, kan awl hunlai hi inletna hun ṭha tak a ni ang," tiin a sawi.

United leh City erawh an dinhmun thlirin champion tur an ni lo a, Champions League khelh tumin West Ham te nen an inum chho ang. Louis van Gaal-a'n derby match pawimawh takah hnehna chang mah se second half-a an khelh dan thlirin season tharah United a enkawl zel a rinawm lo a, Red Devils-in Jose Mourinho pre-contract an ziahpui tih thuthang awm mek hi a dik a nih pawhin a mak lo ang.

City-in point thum an hloh avangin United aiin point khat chiahin an fal tawh a, captain Vicent Kompany hnung zuiin Joe Hart leh Raheem Sterling te an inhliam vangin an hmalam hun a eng lo hle. City-in ma-nager atana Pep Guardiola an nemngheh hnuah match 11 khelhah vawi thum chauh an chak a, Champions League khel lo thei dinhmunah an ding.

Manchester United boss Louis Van Gaal chuan, "First half kan khel ṭha a, kan mamawh ber point thum kan hlawhchhuah avangin West Ham nen kan point hmuh zat a inang. Tunah chuan season thara Champions League kan khelh leh khelh loh hi kan kutah a awm," tiin a result-a a lungawi thu a sawi a, City manager Manuel Pellegrini-a'n second half an khelh ṭhat avangin chak loh an phu loh thu a sawi ve bawk.

International match a awm chhoh dawn avangin club football en tur a awm dawn rih lo a, April 2 aṭangin Premier League khelh ṭan leh a ni ang.