Mizoram tana medal late lawmpui

Mizoram Olympic Association (MOA) chuan National Games 2023 neih zawh taka Mizoram tana medal late lawmpuina hun an hmang a, lawmpuina thilpek an hlan nghal bawk.

Thawhṭanni zan khan Curry Pot, Aijal Club-ah hun hman niin, MOA president Robert Romawia Royte chuan, "India rama inelna sang ber National Games khel phak tam zawk an awm theihna turin Mizoten kan theihna zawn infiamna hi kan kal nat a hun tawh.

"Kum thar 2024 hian Uttarakhand-ah 38th National Games a awm leh mai dawn, MOA chuan National Games medal tam zawk kan lak theihna turin medal kan lak theihna hi nasa lehzualin kan vulh tawh ang," tiin a sawi.

National Games neih zawh takah hian Mizoram hian gold medal pahnih leh silver medal pathum, a vaiin medal pang a la. MOA chuan gold medal late hi Rs 10,000 a pe a, silver medal late hi Rs 7,000 ṭheuh bakah thangchhuah puan an pe vek bawk a ni.

Nimin khan Mizoram Amateur Tae-kwondo Association (MATA) buatsaihin SYS Conference Hall, MINECO Khatla-ah medal late lawmpuina hun hi buatsaih a ni bawk a, zanriah kil ho nghal a ni bawk.

Mizoram hian kum 1987 aṭang khan National Games hi a hmachhawn ve ṭan a, kumin thleng khan gold medal pariat, silver medal 13 leh bronze medal 26 a vaiin medal 48 an hlawh chhuak tawh a ni.