Ederson a inhnukdawk

Manchester City goalkeeper Ederson chu Chelsea nen an inkhelh ṭuma a ke vei lama hliam a tawrh avangin Brazil squad aṭangin a inhnukdawk. Ederson aiah hian Athletico Paranaense goalkeeper Bento chu koh a ni.

Brazil hian tun ṭum international break-ah hian Colombia (Nov 17, 5:30 am) bakah World Cup champion lai Argentina (Nov 22, 6:00 am) an hmachhawn dawn avangin ngaihven a hlawh hle. World Cup qualifier-ah Brazil hian match li aṭangin point sarih chauh an hmu a, Argentina erawh vawi li khelhah an la chak vek.

Selecao hian Palmeiras forward Endrick an ko tel a, kum 17 mi forward hian en bik a hlawh ang. Endrick hi theihna nei sang bik a ni a, nikum December 15 khan Real Madrid nen inremna a nei der tawh - nakkum July thlaa kum 18 a tlin hunah Spanish club lian hi a zawm dawn.

Endrick hian Palmeiras tan pawh hming a chher tawh hle. Kuminah ringawt pawh inelna hrang hrangah match 49 khelin goal 12 a khung. Kar liam ta Pathianni pawh khan Palmeiras hian Internacional 3-0 in an hneh a, Endrick hian goal a khung.

Brazil Squad

Goalkeepers: Alisson (Liverpool), Lucas Perri (Botafogo), Bento (Athletico Paranaense).

Defenders: Emerson Royal (Tottenham), Carlos Augusto (Inter Milan), Renan Lodi (Olympique Marseille), Bremer (Juventus), Gabriel Magalhães (Arsenal), Nino (Fluminense), Marquinhos (Paris Saint-Germain).

Midfielder: André (Fluminense), Bruno Guimarães (Newcastle), Douglas Luiz (Aston Villa), Joelinton (Newcastle), Raphael Veiga (Palmeiras), Rodrygo (Real Madrid).

Forwards: Endrick (Palmeiras), Gabriel Jesus (Arsenal), Gabriel Martinelli (Arsenal), João Pedro (Brighton), Paulinho (Atlético Mineiro), Pepê (Porto), Raphinha (Barcelona) and Vinicius Junior (Real Madrid).